گھر بنانے والوں کے لئے اہم خبر سیمنٹ کی بوری کی قیمت میں بڑی کمی

گھر بنانے والوں کے لئے اہم خبر سیمنٹ کی بوری کی قیمت میں بڑی کمی

اسلام آباد: گزشتہ ہفتے کے دوران ملک میں سیمنٹ کی ریٹیل قیمت میں کمی ریکارڈ کی گئی ہے۔

پاکستان بیورو آف اسٹیٹسٹکس کے مطابق، ملک کے شمالی شہروں اور علاقوں میں 23 اپریل کو ختم ہونے والے ہفتے میں سیمنٹ کی فی بوری اوسط ریٹیل قیمت 1,535 روپے ریکارڈ کی گئی، جو کہ پچھلے ہفتے کے مقابلے میں 0.84 فیصد کم ہے۔

اس سے پچھلے ہفتے میں شمالی علاقوں میں سیمنٹ کی فی بوری اوسط ریٹیل قیمت 1,548 روپے تھی۔

سیمنٹ کی فروخت میں سالانہ بنیاد پر 9 فیصد اضافہ ریکارڈ ہوا۔ اسی طرح، 23 اپریل کو ختم ہونے والے ہفتے میں جنوبی شہروں اور علاقوں میں سیمنٹ کی فی بوری اوسط ریٹیل قیمت 1,542 روپے ریکارڈ کی گئی، جو کہ پچھلے ہفتے کے مقابلے میں 0.13 فیصد کم ہے۔

اس سے پچھلے ہفتے میں جنوبی علاقوں میں سیمنٹ کی فی بوری اوسط ریٹیل قیمت 1,544 روپے تھی۔

اعداد و شمار کے مطابق، گزشتہ ہفتے اسلام آباد میں سیمنٹ کی فی بوری اوسط ریٹیل قیمت 1,541 روپے، راولپنڈی میں 1,522 روپے، گوجرانوالہ میں 1,550 روپے، سیالکوٹ میں 1,550 روپے، لاہور میں 1,582 روپے، فیصل آباد میں 1,510 روپے، سرگودھا میں 1,542 روپے، ملتان میں 1,536 روپے، بہاولپور میں 1,583 روپے، پشاور میں 1,516 روپے اور بنوں میں 1,450 روپے ریکارڈ کی گئی۔

اسی طرح، گزشتہ ہفتے کراچی میں سیمنٹ کی فی بوری اوسط ریٹیل قیمت 1,461 روپے، حیدرآباد میں 1,520 روپے، سکھر میں 1,600 روپے، لاڑکانہ میں 1,513 روپے، کوئٹہ میں 1,490 روپے اور خضدار میں 1,667 روپے ریکارڈ کی گئی۔