لندن میں مبینہ جعلی پناہ کیس بے نقاب، خاتون گرفتار
لندن میں شہریت اور پناہ کے لیے مبینہ طور پر جعلی طریقے استعمال کروانے والے ایک گروہ سے متعلق چونکا دینے والے انکشافات سامنے آئے ہیں۔ رپورٹس کے مطابق ایک خفیہ ایجنٹ نے خود کو پناہ کا خواہشمند ظاہر کر کے مبینہ نیٹ ورک تک رسائی حاصل کی اور مختلف ملاقاتوں کی خفیہ ویڈیوز ریکارڈ کیں، جن کے بعد کارروائی عمل میں لائی گئی۔
ویڈیوز میں ایک خاتون، جنہیں مختلف سوشل میڈیا پوسٹس میں “مس خان” کہا جا رہا ہے، مبینہ طور پر لوگوں کو یہ مشورے دیتی دکھائی دیں کہ وہ مخصوص کہانیاں اور جعلی دعوے استعمال کر کے پناہ یا شہریت حاصل کرنے کی کوشش کریں۔ تحقیقات کے دوران مختلف غیر ملکی افراد نے بھی دعویٰ کیا کہ کئی لوگ بہتر مستقبل یا مستقل رہائش کے لیے ایسے غیر قانونی راستے اختیار کرتے ہیں۔
برطانوی حکام کے مطابق قانون کا غلط استعمال کرنے والوں کے خلاف سخت کارروائی کی جا رہی ہے، جبکہ مرکزی ملزمہ کو گرفتار کر لیا گیا ہے اور دیگر افراد کی تلاش جاری ہے۔
Comments
Post a Comment